Stimmen: Nur die Hårta kehma durch! Nur die Hårta!
Und då nur 10 Prozent!

Erzähler: Griaß Enk, i bin's Enker Erzähler!
I müaßt jå um Ruhe bitta, weil i ofång zum Singa!
Doch mir möchta Enk viel liaber aus der Ruha bringa!

1. Auf geaht's, luas geaht's mit inser'm Stuck!
Dia Gschicht isch hundert Jåhr ålt, dia mir iatz für Enk spiela!
Doch i tat mi, wenn i Enk war, nia gånz sicher fühla!

Ma saht, es isch ålls åndersch heind, doch Gschichta wiederhola sich!
So viel, wås längscht vergånga scheint, werd muarga no so sei!

Låchat mit, reahrat mit, låssat Enk fånga, wenn mir des Stuck ofånga!

Ref: Kehmat inna, gånz tiaf inna!
låssat Enk berühra und verführa und dånn låssat Enker Herzbluat rinna!
Kehmat i's Schwärma, kehmat zum Spinna!
Låssat Enk tråga, könnat ins glåuba, då steckt inser Herzbluat dinna!
Kehmat mit ins mit, gånz oafåch mit ins mit!
Nehmat Enker Herz mit, kehmat inna! Uh yeah!

Erzähler: Griaß Enk und willkommen im Dorf der Eisenharten!
Då wo nur die Hårta dahoam sei, då håba dia woacha Seela koa Chance!
Åber zum Gück sei dia Felsa då hoba a bissele magisch!
Und då dinna finda dia zårtbesaiteten Seela Schutz!
Und jedesmål beim Alpenglühn, wenn ma gånz still isch, kånn ma sie höra!

Gesang: I bin a Felsa, bin manchmål wia a Stoa!
I bin a Felsa, a Insel gånz alloa ohne di!

Erzähler: Kehmat mit ins mit, gånz oafåch mit ins mit!
Nehmat Enker Herz mit, kehmat inna! Uh yeah!

2. Oha, i siech scho, des kånn no wås wera!
Wia Es då ummasitzat, kånn des nia funktioniera,
Nur wer sich salber spürt, kånn dia Gschicht då spüra!

Luagt zua, liesnat hi, Es werat scho versteah!
Då wo des Hira streikt beim Dialekt-Übersetza,
müassat's nur des bissle Hira durch gånz viel Herz ersetza!

Entführa möchta mir Enk iatz in irgend oa entleg'nes Nescht!
Und gånz egal, wås då passiert, oafåch fålla låssa war des bescht!

Lebat mit, sterbat mi, låsat Enk fånga, wenn mir des Stuck ofånga!

Ref: Kehmat inna ...

reahra - weinen