Blattle-Wochenende
(Gedicht von Karin Birnbaumer, kann nach der
Melodie von "Irgendwann bleib i dann dort"
gesungen werden)
1. Des Blattle-Wochenend´ wår scheen,
mir san 3 Tåge lång im Lecht´l g´wen
die Regntropfn auf da Haut
du gspiast des Wåsser und nix is laut
nur dort im Bergheim in Madau
gibt´s die gånze Nacht Radau,
daß da Wirt ned schlåfn kau.
2. Am nächstn Tåg, a bisserl miad
san mir ins Alperschontal rein marschiert
mit dem Werner Gamerith
die Judith bringt uns Jausnpackerl mit
obn regnets auf amål
san bis zu d´Knia vom Schlåmm scho voll
und trotzdem finden´s alle toll. |
Ref: Und nächst´s Jåhr kumma wieder zruck
ganz egal, wås a passiert,
darauf trink ma no an Schluck
weil då fühl ma uns so wohl
und drum kumma wieder her
ins scheene Lecht´l in Tirol.
3. Am Åbnd geht´s wieder lustig zua
da Klaus håt scho die zweite Nåcht ka Ruah
da Toni heut gånz grausig singt
daß da Klausi scho den Håmmer schwingt
nåch Dia-Vortrag und Raclette
gemma no ned so båld ins Bett
a wenn´s da Klausi so gern hätt!
4. Am Sonntåg hätt´ ma raftn wolln
doch da Lech wår zu stårk ångeschwolln
´s wår wirklich schåd, doch åndrerseits
håt a Grillparty jå aa ihrn Reiz
Des Wochenend is vü z´schnell aus
ma tauscht (e-mail)Adressn aus
und dann geht´s wieder åb nåch Haus
|
