I kimm hoam

1. Vur mir dia Stråß då, so wohlbekannt -
liegt dem Berg auf'm Rugga wia a graues Bånd.
Då hinta kriacht d'Sunna aus ihr'm Versteck,
wischt mit långe Finger no da Nebl weck!

Und kimm i um d'Kurva, liegt des Tål vur mir,
als tat's auf mi wårta wia a guater Freind.
Nur no a paar Minuta und i bin bei dir,
i fåll dir i'd Årma und mir sei vereint.

Ref: Und i kimm hoam, jå i kimm hoam
und låss mi oafåch treiba!
Jå i kimm hoam, i bin dahoam, wenn i di spür!
Då hån i Plåtz, då hån i Zeit, då kånn i ålba bleiba.
Jå, i kimm hoam, weil mei Dahoam, des isch bei dir!

2. I kenn jedes Haus då und ålle Leit.
I kenn mi guat aus då seit Kinderzeit.
Då muaß ma mål weck, suacht an nuia Plåtz,
und dånn kimmt ma drauf, es wår so a Schåtz!

Auf amol siech i Bilder, måch die Åuga zua,
i kånn es fåscht greifa, steaht gånz klår vur mir.
Då brennt so a Sehnsucht und dia geit koa Ruah,
und dånn muaß i zrugg, då kånn i går nix tia!

B-Teil: I geah außi vur's Haus und i såg's ålle Leit,
wås dia Hoamat mir geba ko.
Und då daußa vur'm Haus sitza heind ålle Leit,
ohne dia i it leba ko! Ohne dia i it leba ko!

I kimm hoam