Da muass der Bluatschink her

1. Wenn spaziera geahsch, Vögel singa hörsch,
freusch di, dass so ruhig isch.
Geahsch du in d’Natur, suachsch ja Ruhe nur,
weil die Welt so hektisch isch.

Doch auf oamål tuat’s an Tuscher und du bisch fascht hin,
weil da fahrt di oaner zamm mit seiner Crossmaschin!

Ref: Da muass der Bluatschink her, da hilft
sienscht gar nix mehr,
weil solche Dodln bläst er jedes Mal den Marsch.
Da muass der Bluatschink her, da hilft
sienscht gar nix mehr,
weil solche Esel beißt er einfach in den Arm.

2. Sitzesch an am Bach, sagsch, des isch a Sach,
Fische schwimma da noch vor und zrugg.
S’Wasser isch hall und klar, du denksch: Wunderbar,
da trink i doch glei an Schluck.

Aber wia di ouibucksch und es dir grad so guat vor kimmt,
siechsch, dass an dir vorbei a Riesen-Mullsack schwimmt.

Ref: Da muass der Bluatschink her,
da hilft sienscht gar nix mehr,
der schwimmt im Lech drin mit Forelle und mit Barsch ...

3. Wenn Erholung suachsch und an Urlaub buachsch,
a Reisekatalog muass her.
Billig muass es sei, nocha buachsch es glei,
fliagsch am liabschta halt ans Meer.

Von dei’m Hotel führt dann a schwarzes Rohr an den Strand,
da schwimmt genau des, was gestern in deinem Klo verschwand!

Ref: Da muass der Bluatschink her, da hilft sienscht gar nix mehr,
weil gega den hasch du koa Chance, wenn mit ihm hårsch ...