1. Såg, wås isch des då wieder für a Theater?
Wo sei mir då wieder hi kennt?
Der Weg wår so weit, i hån fåscht an Muschglkater,
wo sei mir då scho wieder hi grennt!
Mhm und iatz hocka mir då und mir luaga wia dumm
- i's Publikum!
Mhm und des hockt oafåch då und es isch ziemlich öd
- jå des isch blöd!

2. Wås kånn ma då måcha, wia bringt ma dia zum Låcha?
Mir fållt heind überhaupt nix Blöds in?
Es wölla so viele, jå nur no Brot und Spiele,
blos Unterhaltung und an Blödsinn!
Mhm, und mir philosophiera über Gott und dia Walt
- mit viel Hira hålt!
Mhm, ob des dia wohl kapiera, ja, då frågt ma sich scho:
Wås måcht ma då?

Ref: Hallo! Isch då jemånd, liesnat då jemånd zua?
Hallo! Isch då jemånd, für den i des då ålles tua!
Für wen måch i då Seelenstriptease?
Für wen måch i då Kasperl, verrenk mir mei Gfries?
Hallo! Isch då jemånd? Weil då sei iatz mir!

3. Då deta denkt oaner die gånze Zeit ans essa,
dem isch jå iatz scho des Konzert z´lång!
daneba, dem Musiker, dem geaht´s o it besser,
dem wird bei inser´m Gsång ums Herz bång!
Mhm, der då hinta isch Schneider und denkt sowieso
- ach, der hat ja kein Sakko!
Und glei daneba der Zåhnarzt, der luagt iatz gånz gwiss
- nur auf mei Gebiss!

4. Eine Friseuse dia måcht glei a Getöse,
dia kocht vur Wut scho glei über!
S´isch it zum glauba, dia luagt mir nia in d´Åuga,
dia luagt bei mir andauernd drüber!
Wenn jeder so glåtzig war, jå so denkt sie sich bloß - war i arbeitslos!
Doch glei daneba die Putzfrau denkt bei der Frisur - an a Politur!

5. Links sitzt a Herr mit Sakko und mit Krawatta,
der wundert sich fei går it schlecht då.
Er håt a Kårta für´s noble Burgtheater,
frågt sich: Jå bin i wirklich recht då?
Er håt sei Brille vergesst und er frågt gånz nervös
- Jå wer isch denn des?
Den Knou neba sich håt er gfrågt, da saht der kloane Ganov:
Des sei Dick & Doof!