| 3 Kilo mehr
Ref: Scho wieder 3 Kilo mehr - wo kehma dia denn her?
Scho wieder 3 Kilo mehr - des find i går it fair!
I hån doch aufgepasst wia a Haftlmåcher,
auf ålls hån i verzichta, es isch it zum Låcha!
Såg mir bitte, bitte, woher kehma nocha - dia 3 Kilo mehr?
Wo kehma dia denn her? Scho wieder 3 Kilo mehr!
1. Letschte Weihnachta am Gabentisch håt mi des Schicksal voll erwischt.
Seitdem hån i a Riesenplage, a digitale Waage!
Danke liebe Ehefrau, den Wink versteah i gånz genau!
Zerscht will sie mir zum Schlånk-sei råta, und nocha bringt sie n´Weihnåchtsbråta!
Und seitdem isch jeder Montagmuarga für mi nur Stress und Riesasuarga!
Weil Mantig in der Früah, da saht mei Frau zu mir: Aui auf dia Wååg!
2. Då hör i von einer Kiwi-Kur, dia isch so guat für die Figur,
und ehrlich gsaht, dia Kur, dia lieb i - ma isst ålles außer Kiwi!
Und iss i Schweinebråta, Rindsroulade, Malakov und Schokolade,
nocha tuat des nix, weil i bin gscheid und trink dazua a Cola light.
Mit sölche Schmähs und sölche Tricks, då wird ma leichter, des isch fix,
doch Mantig in der Früah, då geah i in die Knia - doba auf der Wååg!
3. Dass i wås für mei Linie tua, då leg i mir a Fåhrråd zua,
und låss mi ziacha von mei'm Hund, für den isch sicher gsund!!
Und im Büro trainier i sowieso, weil i hån an ziemlich weita Weg aufs Klo,
und jeden Tåg mit froher Miene zwanzig Stufen zur Kantine.
Nach so viel Sport und viel Bewegung, då spür i tiaf in mir a Regung,
i denk mir: Oh, wia nett, i glåub, då schmilzt mei Fett,
nix wia aui auf dia Wååg! |
Toni
Peter und Toni |
