Auslassa

1. Håt sie des Kleid wirklich amol okhåt?
Håt er dia Schuach wirklig mål getrågt?
Sie sei gwåchst und wera ålba größer
und des Leba håt mi it amol gfrågt!

Jeder Schritt, den sie alloanig måcha,
måcht mi stolz, doch eppas någt in mir,
denn jeder Schritt führt sie o weg vo mir.

Ref: Ma muaß auslassa, luaslassa könna,
wenn dei Herz o glaubt, dass es des it ertragt.
Ma muaß hergeba, freigeba lerna.
Heind no gånz tiaf drinn, des kånn sich murga scho entferna.

A Umarmung kånn o a Gfängnis sei,
wenn sie zu eng isch, glei Flügel lähma.
Und a Åbschied, tuat der heind no so weah,
des werd o vergeah!
Ma muaß drauf vertraua, då kånnsch wås Nuies baua!

2. Graues Haar, die Stimm a bissl leise
und dia ålta Gschichta so oft khört.
Doch dei Årt und dei besondre Weise,
i woaß scho heind, wia mir dia ougeah werd!

Jeder Tåg, den mir vom Leba kriaga
isch a Gschenk, des koaner ins mehr nimmt.
Denn jener Tåg für jeden vo ins - der kimmt!

Ref: Ma muaß auslassa ...
Und a Liebe für ewig, dia geit's bestimmt,
doch wenns dånn åndersch kinnt,
muaß ma's spüra!
Ma söll kämpfa, doch wenn man's hålt nur verzwingt,
und es it gelingt -
du wersch weiterleba, då kånns wås Nuies geba!