Bluatrausch

1. Håsch du scho oamål an Fuchs erlebt im Ståll,
wenn er reißt, wenn er beißt, wenn er ålles niederreißt?
Es kimmt ihm går nix aus und nix davo.
Er leckt Bluat, des schmeckt guat. Im Hira – die Tollwuat!
      Heind trågt mancher Fuchs an Nådlstroaf.
      Krawatta vurna anstatt hinta Schwoaf.
      Doch wenn der sich seina Krålla leckt, die Pfota reckt,
      s'Gald insteckt, isch it bloß a Federviech verreckt!
So a Fuchs wird schnall amol zum Wolf
mit am Hunger auf Gold – kriagt da Håls it voll!

Ref: Im Bluatrausch, hinter ins die Sintflut!
Im Bluatrausch nimmt ma, wås ma kriaga ko!
Bluatrausch und des ewige Wåchstum leuchte uns!
Bluatrausch, wenn die Gier des Credo isch!
Bluatrausch, der wåhre Gott des Ego isch!
Bluatrausch, Bluatrausch – im Bluatrausch!

2. Dem greaschta Raubviech hängt der Pouff ¹ aus'm Maul
Spoachl rinnt aus'm Grind, weil då wås aus'm Boda kinnt!
Den schwårza Dreck håt inser Erde im Bauch
guat verdaut, iatz versaut er damit ihre blaue Haut!
      Mir leba in am Pyramidaspiel.
      "Z'viel isch no it gnuag", so hoaßt des Ziel!
      Der Tuifl, der do auf der Spitze hockt, wia der zockt,
      jeden påckt, wia der ins in sei Spirale lockt!
Des Lotto funktioniert wia gschmiert,
weil Milliona zåhla und nur oaner kassiert!

B-Teil: I siech a påår, dia Milliarda kassiera mit Zinseszinsa
mit Krokodilslederträna und dabei no grinsa!
Sie könna's oafåch it låssa, müaßa weiterpråssa
im Panikroom die Champagnerkorka knålla låssa!

Doch der Sekt isch gekühlt mit dünnem Eis,
und dass des jeder des fühlt, dafür geit's als Beweis den Bluatrausch ...



¹ Pouff = Speichel