1: Dia Junga könna doch so oft
des Älter-Wera it verwårta.
Doch wird ma ålt gånz unverhofft,
då möcht ma wieder nuia Kårta!

2: Wer vo guata ålta Zeita red't,
der derf sich über's Heute it beschwera!
Weil jeder Tåg, den ma heind erlebt,
kånn die guate, alte Zeit vo murga wera!

Ref: Es håt ålles sei Zeit, es håt ålles sei Zeit,
ma muass es nur verwårta könna!
Es håt ålles sei Zeit, irgendwenn isch's soweit,
man derf sich hålt nur it derrenna!

Zeit verrinnt und du kimmsch so båld drauf,
der Strom der Zeit, der kånn di tråga!
Nimm's wia's kinnt, du håltasch es it auf,
då kånnsch di du no so fescht plåga.

3: Und kåufsch du dir a scheane Uhr,
mit ihr kånnsch du dia Zeit bloß messa,
doch wenn du eppas Scheanes tuasch,
dånn låt di des die Zeit vergessa!

4: Dia Leit, mit dena du di plågsch,
dia tia dir nur dei Lebenszeit versenka.
Doch Menscha, dia du gera mågsch.
dia kånnsch du mit nix Scheanerem beschenka!

Ref: Es håt ålles sei Zeit...

5: Zeit isch knapp und Zeit isch Gald
So geaht's zua auf dera Walt
Im Highspeed auf Autopilot.
då geit's an Anker für dei Boot!

Fotos

Fotos