Tirol - Stårkes Land

Toni in der Felswand Tirol - Stårkes Land
Toni in der Felswand / Tirol - Stårkes Land
 
Tirol - Stårkes Land
 
Tirol - Stårkes Land 1

1. Tirol, he, du bisch a stårk´s Lånd, und d´Leit sei so saub´r beinånd!
Doch manchmål, då koschtesch m´r fåscht da V´rstånd! Tirol, he, du bisch a stårk´s Lånd!

2. Dahoam isch dahoam - isch doch klår! Mir sei stolz auf´s Land, des isch wåhr.
Doch vo da Devisa, då kriagt ma nia gnua - v´rkåuft ma sei Bett, schlåft im Struah!

3. Jå und dei Rhythmus, der reißt am gle mit, wer di it kennt, der g´spürt des wohl it!
Dei Musig håt Kråft, dei Musig håt G´fühl, des merkt ma im Zeltfeschtgewühl!
Sauf mit mir! I sauf a Bier!

Tirol geit´s blos oas,
Tirol geit´s blos oas,
s´isch a Landl, a kloas.
Es isch a scheas und i bin m´r einig:
Des Land´l isch des meinig.

Und daß mr´s jå koan´r probiert
und über d´Grenza spioniert!
Fremda Leit braucha mir då it,
außer es geit an Mords-Profit!

Im Juni der Bauer

1. Daß Tirol heind a Schmuckstickle isch, redt´ sich umma,
åb´r går so lång geit´s hålt des Schmuckstickle numma!
Dehna Gäscht g´fålla d´Wiesa und d´Baurahöf sehr.
Hotelkäschta ouzluaga kinnt bestimmt koaner hea!

2. Im Juni der Bauer da Traktor inspånnt,
er setzt sein Gekreisle und Mähwerk instånd.
Er heuet und buggelt und drecket und rennt.
Und im Herbst muaß er fruah sei, wenn d´r Stådl it oubrennt!

3. Zur Kuah håt ma friher no "Guissle" gsaht,
heind hoaßt ma sie "Sauböck" und ålls isch v´rdraht!
Das künstlich gezeugte Kalb schreit laut: "Okay!"
Weil sei Våt´r isch a Ami, des siecht ma jå eh!

4. Der Bauer v´rkåuft heind sei ållerletscht Kuah,
vo dem Geld, då legt er sich a Melchmaschin zua!
Iatz håsch koane Kiah meah - wås brauchsch nåcha den Schmäh?
Jå woasch," saht er, "i bin iatz reif für d´EG!"

Zu mantua in Banden

"Zu Mantua in Banden ...", då singt a jeder mit,
doch wer schützt heind des Landl vur´m nuia Feind "Transit"?
Jå-valerie, jå-valeråh, a Galerie, a Autobåh - hoch droben auf der Alm, då geit ma Gas!
Tirolerland, du bist so schön, so schön! Kimm hea, fåhr durch, bleib jå nit steh´n!

Schau das Alpenglüh´n
schau das Alpenglüh´n dort am Stausee
voller Energie steckt das Land!
Alternativenergie, du hascht jetzt Pause,
weil man noch ein Bächlein fand!
Holldje tiri, måch mar s´Landl ruhig hi!
Holldje tiri, hauptsåch, s´gibt Energie!
D´Natur spendat s´Bluat,
der Mensch verschwendat´s guat!
Holldje tiri, s´Fåß håt unta a Loch!
Holldje tiri, oba schüttet ma nåch!
Solang´s no a Bachle geit,
braucht koaner spåra, liabe Leit!

Tirol - Starkes Land 2
A guat´s Gschäft isch dia Tradition,
und trotzdem - i häng oafåch dro!
Und manchmål liesna is zua
und då woaß i: Des isch echt!
Då spür i, daß i oafåch singa mecht!
Und i denk an dia Leit, dia i måg,
an d´Bearg und an månch scheana Tåg!
Und nåcha woaßi - es isch d´rweart,
daß ma drib´r nåchdenkt - mitanånd!
Tirol, he, du bisch a stårk´s Lånd!

 

Warm in mir | Titelauswahl "Außischreia" | A bissle traurig

Knou mah | Titelauswahl "10 Jahre Bluatschink" | Dabei sei

Zur Startseite | Bluatschink CDs | Konzerttermine | Kontaktadressen...

Admin Mail: guru@bluatschink.at location: http://www.bluatschink.at/aussi/tirol.htm