Aufwind

1. Kålter Nebl hängt drin im Tål,
kriacht dicht über'n Wåsserfåll,
kålter Nebl låt deine Flügl sinka.
Sunnastråhla schleicha über's Joch
gånz schuich und i spür sie doch
Sunnastråhla, dia durch ålle Wolka blinka!

Und sie låssa dia Nebl weicha und dei Herz woaß, wås iatz kimmt!

Ref: Spürsch da Aufwind? Wia er aus'm Tål in da Himml steigt.
Da Aufwind, der olba wieder kimmt!
Spürsch da Aufwind? Låss di von ihm tråga himmelweit,
wenn der Aufwind aufkimmt und jeden mit sich nimmt!

2. Wenn amol a Flaute kimmt
im Segl, då isch koa Wind,
den Horizont, verliersch leicht aus da Åuga!
Wo isch dia Kråft, dia die Flügl hebt,
wo der Wind, der då aufwärts strebt?
Dia Kråft hoaßt Liebe, Hoffnung, Glåuba!

Und dånn spürsch du in dir des Leba
und du fliagsch mit dem Wind davo!

B-Teil: Oho - leicht wia a Feder!
Oho - fliag i davo!
Oho - des schåfft a jeder!
Oho - trågt der Aufwind ins davo!