Viel Meinung

Ref: Du, he du - a bissle viel Meinung
für so weanig Ahnung, jå såg amål!
Du, he du - låss es oafåch guat sei!
Du, he du - jå um Himmels willa,
kånnsch du a bissle chilla, jå såg amål!
Du, he du - dass du voller Wuat bisch,
des kimmt, weil du verbuhrt bisch!

1. Du hasch studiert auf der Facebook-Akademie
dazua die Youtube-UNI, jetzt bisch du so stolz auf di!
Wås dir gfållt im Internet, des muaß a jeder wissa,
wenn's scho seit zehn Jåhr numma stimmt –
då plågt di går koa Gwissa!

Theoria mågsch du nur,
wenn "Verschwörungs-" davur steaht!
Videos luagsch du stundalång,
wo so a Dodl wia du dia Walt erklärt!
Dia Regierung, dia verfolgt di,
weil du gånz wås Bsund'res bisch,
fühlsch di ausspioniert und stellsch d'Alexa auf da Tisch!

"I låss mir doch mei Meinung it nehma!"
Koa Angscht, dia nimmt dir koaner,
"I låss mir doch mei Meinung it nehma!"
Deine Meinung, glåub mår's, dia will it oaner!

2. Früher håt nur dei Ståmmtisch gwisst:
Ui, des isch a Blöder!
Doch seit du schreibsch im Internet,
då woaß es hålt a jeder!
Du drahsch beim Tetris-Spiela sogar die Quadrate,
aber mischasch di in bei jeder Wissenschafts-Debatte!

Wås Fåchleut so verzähla, wår dir olba scho egal,
dei TV-Gerät isch doppelt so broat wia's Bücherregal!
Ja, und jeder måcht mål Fahler, åber du gånz sicher nicht!
Vom Weltfrieda reda, doch mit'm Nåchbår geahsch vur's Gricht!

"I låss mir doch mei Meinung it nehma!"
Då flippsch du total aus!
"Mit Fakten braucht ma mir då it kehma!"
Weil Argumente bringa di nur draus!

B-Teil: Du håsch doch für jede Lösung sofort a Problem.
Super! Danke für går nix!
Lesasch nur die Überschrifta, aber des mit System.
Super! Danke für går nix!
Schimpfsch nur über die Regierung – wähla geahsch du går nia! Super! Danke für går nix!
Salber rührsch koan Finger, doch du schreisch:
"Ma sött endlich wås tia!"