Bei mir ums Egg

1. I hån gsuacht im Internet
nåch am "Ras-Kas" und am "Buchl" dazua!
Doch der Google saht, des findt er net!
Gfunda hån i den Kas - bei mir ums Egg!

Im Regal – was siech i da -
liega Äpfel aus Südamerika!
Und der Bauer bei ins bringt seine Sacha it weck -
und drum kåuf i des Zuig – bei mir ums Egg!

Ma luagt so weit ummadum,
ma suacht oft hinter'm Horizont.
Dånn frågt ma sich: He,
warum bleibt des vur der Nåsa unbekannt?
Dia ållerscheanschta Såcha sei oft it weit weck!
Dia ållerscheanschta Såcha geit's oft bei mir ums Egg!
Und drum liesna zua:

Ref: Bei mir ums Egg, då geit's so viele Såcha.
Bei mir ums Egg wohna so netta Leit.
Bei mir ums Egg – du, då muaß ma koa Waltroas måcha,
dass ma siecht, wås bei ins ålles geit!

Bei mir ums Egg muass sich går nix verstecka.
Bei mir ums Egg – då isch so viel Oho!
Auf dera Walt kånn ma so viele Wunder entdecka –
bei mir ums Egg, då find i des o!

2. Kauf i bei am Konzern, verdiant a Manager dabei,
kauft sich a nuie Yacht, a drittes Haus auf Hawai.
Aber kauf i dahoam, geaht des Gald it weit weck,
lebt a Familie davo – bei mir ums Egg.

Vur långer Zeit, då hat's no get
a so a kloanes Gschäft - an jedem Egg.
Doch dia sparra iatz zua, na des isch it nett.
Aber i hån no zwoa – bei mir ums Egg!

Ma fåhrt so weit ummadumm,
då steah die Billigzentren in der Wiesa drin.
Då zåhlt ma dånn gånz schea dumm
des, wås ma zerscht verspårt håt, nur für des Benzin!

Beim Essa will i wissa: He, wo kimmt des her!
Weils oft am ållerbeschta schmeckt – bei mir ums Egg!
und drum liesna zua:

Ref: Bei mir ums Egg ...